F’gurnata tipikament xitwija b’rih qawwi u xita niezla, il-Versity akkwistaw l-ewwel punt taghhom dan l-istagun fi draw minghajr goals kontra Ta’ Giorni Wolves. Minn naha taghhom il-Wolves fallew cans tajjeb biex jassiguraw post fic-Championship Pool. Ghal Versity dan il-punt seta’ facilment kien tlieta meta tqis li Ta’ Giorni kellhom player imkecci wara kwarta loghob u gew falluti diversi cansijiet fl-attakk.

Il-coach Daniel Camilleri kellu ghal darb’ohra jbiddel il-formazzjoni inizzjali meta kellu neqsin il-koppja centrali tad-difiza, Ferrante u Grima u lil Sammut influwenzat u Bonnici indispost. Minn naha l-ohra kellna r-ritorn ta’ Cutajar, Bugeja, u l-goaler Agius. Il-Versity mal-ewwel urew l-intenzjonijiet taghhom u fethu fuq l-attakk b’passaggi veloci kemm centrali u mal-linja. Wara biss kwarta loghob l-attakkant tal-Wolves tkecca wara protesti insistiti mar-referee u ntwera l-hamra dirett. Dan ta iktar stimolu lil Versity li komplew jattakkaw u fallew cansijiet tajba ta’ skor minn Mifsud u Robert Zammit. L-ewwel taqsima kompliet ghaddejja b’ritmu tajjeb bil-Versity jaghlquha fuq l-attakk bil-Wolves rarament ikunu perikoluzi.

Fit-tieni taqsima bqajna naraw l-istess andament, b’Tal-qroqq kontinwament fuq quddiem. Ta’ min isemmi ix-xoghol importanti hafna li ghamlu d-difiza li waqfet kull periklu li seta’ nholoq u l-midfield li zammew dejjem taht pressjoni kontinwa d-difiza tal-Wolves. Il-Versity fallew hafna cansijiet bi blalen mitlufa fl-ahhar passagg u xuttijiet barra u ta’ dan irriskjaw li jpattu qares. F’zewg kontrattakki, Ta’Giorni kwazi marru fil-vantagg meta fl-ewwel okkazjoni laqtu l-lasta b’xutt mill-qrib u fit-tieni save stupend t’Agius zamm ir-rizultat ta’parita’. Fl-ahhar kwarta, il-coach tal-Versity ghamel sostituzzjoni biex iserrah lil Charles Zammit u dahhal lil Karl Bonanno li rega rritorna lura fl-iskwadra wara nuqqas twil minhabba injury. Hawnhekk dahlet ukoll xi ftit tal-biza fil-Versity li riedu jibzghu ghal dan l-ewwel punt li kienu qed jiksbu u fi ftit hin il-partita spiccat u ghalqet fi draw ta 0-0.

Wara sebgha telfiet konsekuttivi, il-Versity kisbu l-ewwel punt f’partita li setghu facilment rebhu. L-ironija hija li ghalkemm inkiseb dan l-ewwel punt wara prestazzjonijiet dizastruzi u telfiet umiljanti, il-players xorta hargu dizappuntati f’partita li laghbu ghal hin twil bi player iktar. Pero dan il-punt ghandu jaghti kuragg lit-tim biex ghal bqija tal-kampjonat izid fuq il-prestazzjoni tallum u jikseb l-ewwel rebha.

Voti:

Agius: 7 – Sikurezza bejn il-lasti

Salerno: 6.5 – Lura mal-ewwel hdax bi prestazzjoni tajba

Buttigieg: 7 – Haffer gandott tiela u niezel mal-linja.

Cutajar: 7 – Libero eccellenti

Baldacchino: 7 – Ritorn mill-aqwa fid-difiza

Calleja: 6.5 – Surmast fin-nofs

C. Zammit: 6 – Seta’ kien aktar effettiv

Schembri: 6.5 – L-aqwa prestazzjoni tal-istagun ghalih

Mifsud: 6 – Falla diversi cansijiet

R. Zammit: 6.5 – Prova ghal diversi drabi jiftah l-iskor

Bugeja: 6.5 – Importanti ghal bilanc tat-tim

Sostituti:

Bonanno: 6 – Vot ta’ kuragg ghalih li dahal lura wara injury twila.

Player tal-loghba:

Chris Buttigieg: Fl-ahjar prestazzjoni tal-istagun ghalih zamm kull attakk li gie mal-linja tieghu u assista lil shabu fl-attakk b’mod eccellenti.