Il-Versity kitbu pagna importnati fl-istorja taghhom meta qatghu passagg ghas-semi-finali ta’ kompetizzjoni Knock-Out meta b’goal kull taqsima warrbu l-isfida tat-tim tal-ewwel divizjoni Sliema Rangers. Dan kien mument ta’ prova ghat-tim tal-Versity ghax kienu qed jiltaqghu kontra tim aktar ikkwotat minnhom u rnexxielhom ikomplu s-serje posittiva taghhom li qed tarahom bla telfa dan l-istagun.

Ghal din il-loghba kellna r-ritorn bejn il-lasti ta’ Agius u l-konferma fl-attakk ta’ Charles Zammit. B’Scerri sospiz minhabba karta safra fil-loghba precedenti, postu ttiehed minn Bugeja li rritorna fil-formazzjoni inizjali. Grima u Bonanno rritornaw flimkien biex jifformaw il-koppja centrali tad-difiza li din is-sena tant qed taghti sodifazzjon. Konxji mill-fatt li Sliema huma tim teknikament ahjar minnhom, il-Versity qaghdu jistudjaw ftit l-avversarji fil-fazijiet inizjali. Fil-fatt, f’din il-fazi, il-coach Camilleri ma tantx kien sodisfatt mill-prestazzjoni tat-tim, iktar u iktar meta beda jara li Sliema m’humiex l-istess tim li s-sena l-ohra elimina lill-istess Versity min-Knock-Out wara l-ghoti tal-penalties.

Iktar ma beda jghaddi l-hin, Tal-Qroqq bdew jiggwadanjaw il-fiducja fihom infushom u bdew jersqu iktar ta’ spiss lejn il-lasti avversarji. Il-mument li ta xejra posittiva wasal mal-ewwel goal. Azzjoni korali minn fuq ix-xellug rat lil Bugeja iqassam lil Mifsud mal linja li bi cross preciz sab lil Charles Zammit f’nofs il-kaxxa li zmarka ruhu tajjeb u xuttja malajr biex tefa’ fil-vantagg lil Versity. Sliema Rangers ftit kienu perikoluzi u b’hekk hallew lil Versity jiddefendu facilment kull azzjoni taghhom. L-ewwel taqsima ntemmet 1-0 ghal Versity.

Il-kunfidenza fil-potenzjal taghhom kienet tidher evidenti fuq kull player tal-Versity li hargu ghat-tieni taqsima b’ottimizmu li jistghu jakkwistaw ir-rebha. Wara ftit him mill-bidu tat-tieni taqsima, Daniel Camilleri kellu jbiddel lil Bugeja li diga’ kellu karta safra ghall-protesti fl-ewwel taqsima u minfloku dahal Sammut li ha postu fuq ix-xellug, Mifsud mar fuq il-lemin u Antonio Camilleri dahal fin-nofs. Fiorentin dahal ukoll flok Charles Zammit.

Dan il-kambjament mal-ewwel deher li jhalli l-frott meta minn ballun misruq ta’ Sammut, dan tefa’ lejn Fiorentini li tefa’ ftit barra. Izda dan kellu jkun ghall-preludju tal-goal li ssigilla r-rebha. Pass filtranti ta’ Camilleri sab lil Fiorentini wahdu wara li gheleb in-nasba tal-offside u pront tefa’ fix-xibka ghal skor ta’ 2-0. Dan kien l-ewwel goal ta’ Fiorentini dan l-istagun u kien premju ghax-xoghol siewi li qed jaghmel mat-tim. Hawnhekk ir-Rangers iktar thawwdu u fosthom dahal id-dizgwid bejn il-players infushom, kif ukoll mar-referee. Dan ghamel il-hajja iktar facli ghall-Versity u minn hemm ir-Rangers ftit kienu perikoluzi. Anzi kien hemm goal imhassar ta’ Philip Zammit li seta’ kompla jkabbar ir-rizultat. Il-partita ntemmet wara ftit bil-Versity jiskbu rebha meritata.

M’hemmx xi nghidu l-ferh fost il-players u l-kumitat kien wiehed evidenti u dan jaghti premju ghax-xoghol bis-serjeta li qed isir matul il-gimghat li ghaddejjin. Il-loghba li jmiss hija wahda iebsa ghax l-avversarji huma hadd hlief San Gwann 93. Tim li huwa mimli unuri fis-Swan League u li l-ambizzjoni taghhom hija li jirbhu din it-tazza. Dan m’ghandux jaqta’ qalb Tal-Qroqq, anzi ghandu jimla b’ktar kuragg biex tinkiseb rebha li verament iddahhalhom fl-istorja.

Voti:

Agius: 6.5 – Kunfidenti

Salerno: 6 – Tjieb fit-tieni taqsima

Buttigieg: 6.5 – Ma zbaljax ballun

Grima: 7 – Konsistenti

Bonanno: 7 – Konferma  

Vella: 7.5 – Majestuz fin-nofs

Camilleri: 6.5 – Loghba tajba mal-linja u fin-nofs

R. Zammit: 7 – Il-mohh tat-tim

C. Zammit: 7 – L-aqwa loghba tal-istagun

Bugeja: 6 – Wisq nervuz

Mifsud: 6.5 – Tijib kontinwu

Sostituti:

P. Zammit: 6 – Goal imhassar ghalxejn

Fiorentini: 6.5 – Il-goal premju ghall-insistenza

Sammut: 6 – Ikkontribwixxa ghar-rebha

Player of the match:

Roderick Vella – Il-frustjazzjoni tas-Sliema kienet kollha lejh li waqqaf il-maggoranza tal-azzjonijiet taghhom. L-aqwa loghba minn meta rritorna mill-injury.